Balyan-a

An balyán-a o babaylan sarong kataga na kaapudan para sa mga katutubong Pilipinong parabulong (kadaklan mga kababaihan) asin lideres kan komunidad. Sa tradisyon kan mga Pilipino, saro ining tawong igwang kakayanang magbulong nin kaluluwa asin lawas; sarong babayeng nagsisirbi sa komunidad sa paagi kan pagigin sarong parahilom kan mga ciudadano o namamanwa, parasaray nin kaaraman dangan bilang pilosopo; sarong babayeng nagtatao nin kapusugan sa estrukturang pang-lipunan kan komunidad; sarong babayeng pwedeng maglaog sa kinaban kanmga espiritu o iba pan katayuan nin diwa asin magluwas-laog nin mayong sagabal sa mga kinaban na ini; sarong babayeng igwang kabatiran sa pagpaparahay kan mga helang.^[1] Bilang kadagdagan, ini sarong tawong namamagitan sa komunidad asin sa mga indibidwal an babaylan dangan saro man sa mga mismong nagsisirbi. Maninigo' na tandaan sa lambang pag'aadal manungod sa mga Balyán-a an pagpupugol kan mga taga-Europa asin Amerikano sa mga gibo asin gawi kan mga parabulong na ini kadtong kapanahunan kan kolonyalismo sa Filipinas.

1. ↑ Leny Strobel